Ergashev Jaxongir Sunnatovich

Lokomotiv depo bosh muhandisi korxonaning barcha texnik jarayonlari uchun javobgar bo‘lgan yetakchi mutaxassis hisoblanadi. Uning asosiy vazifasi – depo hududida bajariladigan texnik xizmat ko‘rsatish, lokomotivlarni ta’mirlash, ularni ekspluatatsiyaga tayyorlash jarayonlarini muvofiqlashtirish va yuqori sifatda tashkil etishdan iborat. Bosh muhandis texnik reglamentlar, xavfsizlik talablariga qat’iy amal qilinishini nazorat qiladi hamda texnologik intizomni ta’minlaydi.

Shuningdek, bosh muhandis ishlab chiqarish samaradorligini oshirish maqsadida yangi texnologiyalar, raqamli nazorat tizimlari va avtomatlashtirish usullarini joriy etish bo‘yicha takliflar ishlab chiqadi. U texnik xodimlar faoliyatini boshqaradi, ularning malakasini oshirish va bilimini doimiy rivojlantirishga alohida e’tibor qaratadi. Depodagi texnik vositalarning holatini tahlil qiladi, avariyaviy holatlarning oldini olish uchun tizimli chora-tadbirlarni amalga oshiradi, mehnat muhofazasi va sanoat xavfsizligini ta’minlaydi.